Einstaklingurinn á bak við hönnun og smíði lampanna er Antonía Malmquist Baldursdóttir. Hún er austfirðingur, fædd og uppalin á Fljótsdalshéraði. Alla tíð hefur hún heillast af vönduðum hlutum og haft ástríðu fyrir skapandi greinum sem krefjast vinnu í höndunum. Frá æsku hefur hún búið í nálægð við einstaka náttúru og hefur því ekki langt að sækja sinn helsta innblástur. Sjálfbærni hefur ávalt verið Antoníu ofarlega í huga og þar af leiðandi er markmiðið að framleiða vörur sem gerðar eru til að endast, með velferð jarðarinnar að leiðarljósi.